; Alpviraam

Zindagi humein kis mod par le aaye..
palak jhapakte he jaise aasamaan se zamein par aagaye hum..
kya rishtey the, kya waqt tha..
sapne jaisa,jo aankhen kholte he kahin gum ho gaya..
khud ko kahin duur chod aayi thi..
sacchai se wasta na raha tha..
guruur tha..ek naya alam tha..
registan mein chal rahi thi..
na raaste ka pta tha..na manzil ka hosh..
iss nayi zindagi ke rang mein bheeg rahi thi..
isse barish mein aaj aansun bhi khush the..
bhrum barquraar tha ki
Zindagi ko naye aayaam de rahi hun..jab zindagi mujhe he khookli banate chale gaye..

junoon sawaar tha ki meri zindagi mere haathon mein hain

isske har panne ko shabdon se main jeena seekha rahi thi..

khabar na thi ki syahi toh waqt he tha hamesha..

iske kalam toh duniye ne he pakad rakhi thi..

aur main..bas ek panna..
kalam mujh par chal rahe the..aur zindagi isse manchaha saja rahi thi..

un dino..bhaut he khoobsurat panna thi main..
ab jab syahi khatam ho rahi hai..
gaadhe nishaan ban rahe hain..
dusra panna bhi inke nishaan seh raha hain..
kahin ye syahi..khatm na ho jaye..
meri kahani adhure na reh jaye..
bhaut guruur tha mujhe meri kahani par..
jab syahi kalam mein dali thi..tabse he shabdon ke rangeen sapne dekhne lagi thi..
ek akarshan sa tha meri kahani mein..iss kitaab mein..
jo dekhta,padhta..mujhe eersha karta..
kahin bhi koi daag na tha..

nazar lag gayi shayad mujhe meri he..

sahem gayi hun..
ruuf sihar jate hai ab..
jab bhi koi shabd likhe jate hain..

kahin syahi fael na jaye..
daag na chod de..
mita nahi paaunge ab..
syahi ke khatam hone se pehle iss adhyaye ko viraam na lag jaye..yahi umeed hai bas..
panno ke khoobsuurti..iske bikhare rang..
puurn viraam tak aise he rahe..pheeke na pad jaye..
kalam zor se na chale..akshar gadhe na bane..ye akhiri panna..agle panne par apne nishaan na chod de..

sun..ae zindagi..ek guzarish hai tujhse..
rahem kar de mujh par..
iss sachaai maan gayi..tu meri kahani likhte hain..
kaanch ka dil hai mera..iska tukde na kar.jod nahi paunge umr bhar..
meri kahani ka ant zaroor likhna..syahi khatam hone se pehle iss rang ko pheeka na hone dena..syahi fael na jaye..yahi guzarish hai ..
iss alpviraam par poorna viraam mat laga dena..iss kalam ko nayi syahi se bhar dena;